Esta web ye un intentu ciudadanu d’algamar la xunidá del tol nacionalismu asturianu d’izquierdes. Anque ye bien cierto que nin UNA nin ANDECHA ASTUR son los únicos partíos nacionalistes d’izquierdes, camentamos que la xunidá ha de pasar pel entendimientu y xuntanza, nun primer momentu, d’estos dos partíos, másimos exponentes d’ello.

La situación anguaño n’Asturies ye llaceriosa, poro, esta páxina naz col enfotu d’algamar esa xuntura, de facer pensar a los integrantes d’ambes formaciones pa que dexen de llau les sos diferencies (más bien pequeñes no que cinca a lo político) y faigan una xuntanza de fuercies. Namás asina podrá Asturies cuntar con una formación nacionalista de pesu.

Pa ello, esta web ye una manera d’amosar toles anuncies sobre UNA y ANDECHA ASTUR qu’apaecen na prensa dixital o llugares d’información afayadizos. Albidramos que ye una manera de facer ver que les xeres d’estes formaciones polítiques tan lloñe de ser estremaes y que bien pueden facer camín n’andecha.

Menos los artículos de la “Estaya Opiniones”, toles entraes serán reseñes o resúmenes d’anuncies apaecíes na prensa dixital asturiana o webs d’información sobre UNA o ANDECHA ASTUR.