Blog Esti home allorió
Como ya dixi fai unos meses,pa min la clave pa que nel nacionalismu asturianu surdan acuerdos y xuntances taba en camudar la mentalidá de partíu en mentalidá nacional,ye dicir,poner a la nuesa nación como prioridá,enrriba d’intereses y engarradielles partidistes.
El pautu anunciáu va unos díes ente’l PAS y Andecha Astur ye un pasu alantre nesi procesu de cambéu de mentalidá,y fai que podamos tener optimismu pa una futura xuntanza.
Ye necesario tener paciencia,y que los partíos que fagan coses pa algamar cierta xunidá noten una rempuesta positiva na xente,ya que nun se pue pasar d’un dia pa otru de tar nuna engarradiella constante a la xuntanza dafechu.
Sicasí,nun hai qu’escaecer la otra cara del nacionalismu asturianu,esa firida que sigui abierta y qu’amosa qu’entá queda muncho pa algamar la mentalidá nacional:la llucha pol control d’Andecha Astur,qu’amás d’enfrentar a los ñembros d’andecha y los “ex-ñembros”(por llamalos de dalguna manera,tamién pieslla les opciones d’entendimientu y alcuerdos ente Andecha astur y UNA.
Paezme que los xestos que vimos nos díes caberos amosen que vamos avanzando,y que ye custión de tiempu que se algame esa mentalidá nacional.
En primer llugar,porque la militancia de los distintos partíos de xuru que finará cansando d’ostiase elleición tres elleición,y en segundu llugar porque hai un seutor del nacionalismu asturianu que cada vegada ye más visible,y que pidi cordura a les distintes fuercies del movimientu.
Igual que normalmente tiro de les oreyes a varios partíos,güei aplaudo al PAS y a Andecha astur pol importante pasu que dieron,y que munchos esperamos que nun quede ehí,sinon que siga avanzando na senda de la xuntanza.
Artículu espublizáu en http://esti-home-allorio.nireblog.com/post/2009/09/11/mentalida-nacional-escontra-mentalida-de-partau
1 respuesta a “Mentalidá nacional escontra mentalidá de partíu”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Septiembre 20th, 2009 at 9:51
El nacionalismu namái ye dable como una política antiimperialista consecuente. Y nesi sen el pautu ente’l PAS y AA supón una mayor seguridá na autodefensa d’Asturies énte la xabaz castellanización que carez.