Editorial de “Pola Xuntanza”
Queremos güei facer la siguiente reflexón al rodiu de los últimos acontecimientos políticos n’Asturies, tratando de recoyer tamién de forma precisa les contribuciones de los llectores y participantes d´esta web.
De mano, valoramos de forma mui positiva los movimientos que se faen nes fuerces polítiques asturianes nestos díes atrás, movimientos y propuestes qu’empobinen a xuntances de distinta castra, pero xuntances a la fin que pueden sirvir como pegoyos pa construir un movimientu cívicu y políticu más homoxeneu y sólidu que faiga frente al Réxime de partíos españoles sucursalizaos nel país.
Nun hai dulda de que se traten de pautos d’unidá d’aición, non xuntances electorales, y eso nun pue dar llugar a tracamundios de nenguna especie. Pero tampoco ha cayer embaxo que les xunidaes d’aición a mediu y llargu plazu son pontes a una xuntanza más firme mañana otru día. Ye una manera d’entornar la puerte pa esa xuntanza futura, pa dir conociéndose y comprometiéndose nel trabayu a comuña, y en cualquier casu ye un furrular d’una manera más seria que’l vezu de les coaliciones improvisaes pocu antes d´una campaña electoral, vezu del que tenemos n’Asturies males esperiencies.
Campañes como “SOS Asturies”, onde AA va trabayar (ente otros grupos y coleutivos) con una fuerza non nacionalista como ye’l PCPE, anque ésta última ta bien llantada nel País y aveza ser crítica pa col Réxime imperante, pue ser granible si con ello se faen delles aiciones conxuntes nes que se lluche contra’l colonialismu propiu de la FSA non solo con un envís nacionaliegu “a seques” sinón al empar con una persepeutiva de clas. El problema d’Asturies nun ye solo llingüísticu nin identitariu, ye amás y sobre manera un problema de falta de soberanía y democracia económiques, ye un problema d’opresión de los trabayadores d’esti pueblu. Por eso defendimos siempre nesta web un nacionalismu d’esquierdes, abiertu, onde entren les esquierdes d’esti pueblu y que lu quieran defender.
Otres aliances que podíemos nomar “interclasistes” tamién son bienllegaes con gayola por nós, como l’anuncia de reflexón y trabayu conxuntu ente AA y el PAS. Nun mos paecen incompatibles los dos trabayos, los dos frentes. Un frente de clas (la clas trabayadora) asturiana, y un frente interclasista onde munches persones de centru o centru-derecha, esmolgaos polos atentaos contra la llingua y la identidá asturianes, sían quien a atopar espacios de trabayu y llucha igualmente granibles ye bien positivo pal País. Los dos frentes bien articulaos, clasista ya interclasista, pueden llegar a ser ser la llama qu’encese una protesta xeneralizada y una contestación seria al Réxime de la FSA y de los demás partíos colonialistes (PP ya IU).
Aprovecemos por ver movimientu ente les dos fuerces nacionalistes d’esquierda convocaes direutamente nesta web, UNA y AA, pa coordinase o, al menos, p’ameyorar rellaciones. Esta ye la única vía pa qu’otres fuerces y grupos tengan claro cuál ye l’espaciu soberanista de xuntanza ya, inda más, de verdaderu cambéu onde convidar a tolos demás grupos. Porque esto ye lo polo que nagua muncha xente: un cambéu, una lliberación del País. Nin UNA nin AA puen conformase colo que son. Son dos partíos que tan condenaos a entendese porque nengún de los dos ye referente de nada. Dexemos de llau ciertos personalismos y centremos l’atención no político, porque les griesques ente persones que piensen políticamente asemeyao ye un problema y verdaderu pilancu pa un espoxigue nacionalista d’izquierdes bien bultable y esperanzador. Problema que pue torgar inda les aliances y averamientos yá algamaos coles demás fuerces si éstes se lleguen a notase defraudaes o enguedeyaes por lluches ayenes.
Siempre fuimos optimistes, y más agora que vemos que se ruempe una dinámica de divorcios y griesques. Hai oportunidaes pa trabayar a comuña nos conceyos, pa dir col Ensame pola República Asturiana, nes protestes llaborales, anti-taurines, etc. Hai que defender colos vecinos la ecoloxía, el paisaxe. Lo qu’hai ye muncho por facer. Fáigase. Quiciás dalgún día surda un Conceyu Asturianu onde toos mos veamos representaos.
9 respuestes a “Nacionalismu, pautos y xuntanza”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Septiembre 13th, 2009 at 23:14
Vuelvo dicir que nun se pue automarxinar a una parte que tamién ye d’AA, al da-y llexitimidá a una parte de la militancia (que tamién ye d’AA) que nun pue utilizar les sigles al so beneficíu.
¿porque esta parte d’AA tien alcuentros col PAS o’l PCPE, pero en cambíu provocaron una escisión al nun querer pautar con IAS, no que güei ye la UNA?
Desviar l’atención sobro’l braeru pilancu, la titularidá de les sigles d’AA, esí ye ún de los porgüeyos d’esta xente al algamar alcuerdos.
Solucionar el conflictu de les sigles, pa dempúes llegar a puntos d’alcuentru, sedría un bon entamu.
Septiembre 14th, 2009 at 10:58
El mio estáu d’ánimu, la verdá, fluctúa como’l nivel del mar según lleo unes coses o otres. Y esti paecer míu ye compartíu con dellos collacios colos que falo de la tema. Unes vegaes siento que sí, que ye posible una xuntaza de tolos políticos asturianos (entiendase nacionaliegos y asturianistes), y otres que non, que la xuntanzá yá se dio y ye la UNA a la que toos debíamos sofitar.
Qué pasa a la política asturiana? Porqué nun son capaces los “esfuerzos políticos” (porque lo de fuerces polítiques quéda-yos grandono) d’algamar unos mínimos que yá s’apuntaron nesti blog?
Yo vuelvo comparamos con otros partíos y otros llugares y vuelvo sopelexar que lo importante ye la voluntá de trabayar pol país. Vuelvo sopelexar que’l proyeutu común ye lo único que debería dinamizar el movimientu y que la fórmula ye variada. Y sinon: Porqué CiU ye una coalición que furrula ensin xuntances? Porqué BNG ye una coalición que furrula ensin xuntances? Porqué’l mesmu PP nació d’una coalición y agora ye una xuntanza que furrula?
Qué pasó col Fartón y Cagunmimanto la pasada llexislatura? Y con Borrell y Almunia? y Con Hernández Mancha nel PP? Y con Artur Mas y Josep Antoni Duran y LLeida? Y con Xosé Beiras y Anxo Quintana? Y con Aguirre, Gallardón y Rajoy?
Qué pasa con toos estos grupos políticos y con toes estes persones que respeten unos mínimos y lluchen pol poder internamente ensin esgaxamientos? Porqué equí nun pasa esto y son too ruptures y desalcuerdos?
La solución, pa mi, pasa por una escala de valores estremada. Mientres n’otros llugares el movimientu ye col envís de trabayar pol país, equí non. Caún tien una xerarquía diferente a los de los demás, cola torga de que nun da’l brazu a torcer.
Porqué nel País Vascu’l Psoe gobierna col PP en coalición? Qué ye que se lleven bien? Non. Axúntense pa lluchar pol so país, España, dexando toles rocees de llau. Más claro l’agua. Eso ye nacionalismu.
Asina pues, nesta escala de valores de los “politicos” asturianos, nun mos engañemos, la llingua asturiana y l’autogobiernu son puntos secundarios, anque quieran facemos creyer que son lo principal. Y sinon porqué énte cualquier negociación primero dan prioridá a otres cuestiones inquebrantables sine qua non nun hai alcuerdu? Si realmente fuere llingua y autogobiernu qué problema habría?
Esos dos puntos, falaos nel blog yá delles vegaes, deben ser la pastia de xunión de toos. Deben ser el cordón umbilical, el cementu qu’axunte a tola xente que quiera trabayar por Asturies. Y con ello, a discutir cómo, a votar y a tragar cola resolución mayoritaria. Y el políticu o les llamaes “fuerces” polítiques asturianes que nun lo vean asina ye que tienen otros oxetivos.
Pero non, val más engarrase, esgaxase, xebrase y formar otru partíu.
Estos nun trabayen por Asturies, trabayen por otros intereses.
Septiembre 14th, 2009 at 11:15
El mio estáu d’ánimu, la verdá, fluctúa como’l nivel del mar según lleo unes coses o otres. Y esti paecer míu ye compartíu con dellos collacios colos que falo de la tema. Unes vegaes siento que sí, que ye posible una xuntaza de tolos políticos asturianos (entiendase nacionaliegos y asturianistes), y otres que non, que la xuntanzá yá se dio y ye la UNA, a la que toos debíamos sofitar.
Qué pasa a la política asturiana? Porqué nun son capaces los “esfuerzos políticos” (porque lo de fuerces polítiques quéda-yos grandono) d’algamar unos mínimos que yá s’apuntaron nesti blog?
Yo vuelvo comparamos con otros partíos y otros llugares y vuelvo sopelexar que lo importante ye la voluntá de trabayar pol país. Vuelvo sopelexar que’l proyeutu común ye lo único que debería dinamizar el movimientu y que la fórmula ye variada. Y sinon: Porqué CiU ye una coalición que furrula ensin xuntances? Porqué BNG ye una coalición que furrula ensin xuntances? Porqué’l mesmu PP nació d’una coalición y agora ye una xuntanza que furrula?
Qué pasó col Fartón y Cagunmimanto la pasada llexislatura? Y con Borrell y Almunia? y Con Hernández Mancha nel PP? Y con Artur Mas y Josep Antoni Duran y LLeida? Y con Xosé Beiras y Anxo Quintana? Y con Aguirre, Gallardón y Rajoy? Y con Morales y Ovidio? Qué pasa con toos estos grupos políticos y con toes estes persones que respeten unos mínimos y lluchen pol poder internamente ensin esgaxamientos? Porqué faen congresos y declaraciones llevándose a matar pero nengún esgaxa’l partíu? Porqué toos asumen la disciplina del partíu?
Y, sicasí, porqué equí nun pasa esto y son too ruptures y desalcuerdos?
La solución, pa mi, pasa por una escala de valores estremada. Mientres n’otros llugares el movimientu ye col envís de trabayar pol país, equí non. Caún tien una xerarquía diferente a los de los demás, cola torga de que nun da’l brazu a torcer.
Porqué nel País Vascu’l Psoe gobierna col PP en coalición? Qué ye que se lleven bien? Non. Axúntense pa lluchar pol so país, España, dexando toles rocees de llau. Más claro l’agua. Eso ye nacionalismu.
Asina pues, nesta escala de valores de los “politicos” asturianos, nun mos engañemos, la llingua asturiana y l’autogobiernu son puntos secundarios, anque quieran facemos creyer que son lo principal. Y sinon porqué énte cualquier negociación primero dan prioridá a otres cuestiones inquebrantables sine qua non nun hai alcuerdu? Si realmente fuere llingua y autogobiernu qué problema habría?
Esti binomiu (llingua y autogobiernu), faláu nel blog yá delles vegaes, debe ser la pastia de xunión de toos. Debe ser el cordón umbilical, el cementu qu’axunte a tola xente que quiera trabayar por Asturies. Y con ello, a discutir el cómo, a votar y a tragar cola resolución mayoritaria. Y el políticu o les llamaes “fuerces” polítiques asturianes que nun lo vean asina ye que tienen otros oxetivos. Y nesi documentu onde tienen los sos principios nun ta’l nuesu binomiu, anque quieran engañamos que sí. Estos nun trabayen por Asturies, trabayen por otros intereses. Y si creyeis que trabayen por Asturies pero yo nun lo pescancio, porqué viendo lo qu’hai nun se decaten qu’esi nun ye’l camín? Años y elleciones tuvieron pa decatase d’ello nun vos paez?
Los políticos asturianos (nacionaliegos-asturianistes) nun tienen voluntá de país como los del PP-Psoe en País Vascu, como CiU, como BNG, como la Chunta Aragonesista (la chunta ye otra coalición), como tantos y tantos… Na so xerarquía de valores el nuesu binomiu nun ta de los primeros. Nun ye troncal nin tresversal. Ye unu más, como pue ser quitar la zona azul de les ciudaes.
Son entós, diferentes estos políticos de los de la fsa?
Septiembre 14th, 2009 at 11:17
Perdón pol puntu 2. que se m’escapó. Foi’l touchpad del portatil y los mios deos que, siendo gordos, nun valen nin pa tocar la gaita…
Lleéi namái’l puntu 3.
Septiembre 14th, 2009 at 11:17
Tomate: garcies. Yá munchos tamos tomando nota de la falta de patriotismu de dellos cabezaleros, y del infantilismu de dellos siguidores. En cuantes a la xudicialización del problema, que s´esclarie d´una vez, Aristón. Nós nun podemos facer nada con ello. Pero sí que vos convido a presionar muncho, non solo con esta web sinón con nueves iniciatives converxentes. El Xanu faló d´un conceyu Asturianu, una Refundación de conceyu Bable. Otros falen d´una refundación del nacionalismu… Dende llueu tamién hai que tender pontes cola esquierda “real” y dexase de que si son “españolones” etc. Los dos puntos, llingua y autogobiernu másimu podíen roblalos nel PCPE, CSI, etc.
Septiembre 14th, 2009 at 12:41
Ta nidiu que la mio entrada va na direición de nun dexar pa práu delles connotaciones d’índole políticu que se fain necesaries referenciar pa entender esti engüedeyu de sigles.
Ya lo falara n’otru post que la mio apuesta va por algamar una xuntanza o coalición electoral nacionalista-asturianista col envis d’algamar fuercía electoral. Tan solu lo que quiero ye introducir puntos a aldericar pa entender esti enguedeyu políticu. La mio entruga yera:
¿porque esta parte d’AA tien alcuentros col PAS o’l PCPE, pero en cambíu provocaron una escisión al nun querer pautar con IAS, no que güei ye la UNA?
La mi opinión va na llínea espresada por tomate, nun solo ye llingua y soberania de lo que se ta falando, ye tamién de “puestinos” y “cabezaleros”, por eso anque pue paecer qu’ideoloxicamente tan más asemeyaos la parte d’AA que tien les sigles y IAS, estos primeros pauten primeru col PAs o’l PCPE.
Y ehí vien otru problema secundariu (anque primariu palos cabezaleros asturianistes-nacionalistes), ¿quien ye’l candidatu nesta hipotetica candidatura?
¿Xuan Xose Sanchez Vicente?. Ya traiciono nel so día, colo que nun ye de mui bona compañia.
¿Sergio Marques? Demasiáu interclasista pa delles organizaciones, amás ya ta fora del espacíu políticu.
¿arbesu,llope,zapico,palacios? Mui marcaos dientru d’unes sigles.
¿los famosos independientes? Onde tan. La verdá ye qu’hai de tenelos bien puestos pa dar la cara nestes coses a sabiendes de que vas ser “carne de cañón” palos “siguidores” de les distintes fuercies polítiques.
Creo qu’un pasu prevíu, e inclusu transversal ye qu’esti movimientu pola xuntanza, redefiniese quien “debe xuntase” ( ¿IU debería xuntase o esapaecer (nel sentíu de sacar pocos votos), pa dexar espacíu políticu a esti movimientu? ) y entamar a tener una organización estable que salga de la redé con cares propies y que xenere un movimientu favorable a lo que propón, aconceyandose colos diferentes partios políticos.
Septiembre 14th, 2009 at 13:39
pero de qué faláis. La mayoría de los que se dicen “nacionalistes” n’Asturies nun los son. Son xente d’izquierdes y d’estrema izquerda a la que-yos gusta la llingua, la gaita y la sidra.
Septiembre 14th, 2009 at 14:01
Vamos falar con númberos. Ensin xuntanza nun hai presencia na Xunta Xeneral. Ehí tan los resultaos algamaos nes últimes autonómiques pal que quiera echar cuentes. Y lo que nun tien presencia na institución cimera asturiana ye una Güestia política pa la población d’esti país. Sí se pue puxar y algamar coses dende fuera de les instituciones, miániques que sí. Y sí hai que sofitar esi tipu de trabayu. Pero nun nos vamos autoengañar. Podemos esguedeyanos por abrir puertes dende fuera (oficialidá, autogobiernu, ecoloxía, llaboral…) hasta acabar frayaos y desmoralizaos (que, en realidá ye lo que ta pasando), pero la llave que abre polo menos dalguna d’elles ta na Xunta Xeneral. Dende ellí sí que se pue destorgar, ser visibles pa los asturianos, avanzar daveres.
Septiembre 14th, 2009 at 19:12
Claro Xanu!, ye la hestoria la que mos da la razón pa dicir que sólo la xuntanza ye quien a entrar nes instituciones. Tolo demás ye una pléyade de partidinos políticos rivales ente sí que son incapaces de montar xuntos pa dir a Busdongo n’autobús.
El tema pa mi, lleendo esti foru y les vueses opiniones, ye si esa xuntanza yá s’algamó na UNA, tovía non o ye imposible. Y sí, siempre s’incide en que’l nucleu del problema ta nos personalismos que dirixen cada partíu y, cómo non, en muncha militancia-proselitista-fanática. Pero tamién nel so decálogu personal y coleutivu.
Si toos ellos coincidieran en que’l binomiu llingua-soberanismu ye l’únicu finxu inquebrantable, qué problema habría? Si realmente tuvieren voluntá de país, de construcción nacional, TOLO demás debía ser secundario yá qu’esi sedría’l nexu de xunión de tolos nacionaliegos y el motivu de la so confluyencia por un porgüeyu común. Pero non, nun aconceyen por diverxencies n’otros problemes que pa mi son dafechu secundarios.
Entós, esto llévame a reflexonar si realmente estos partíos (BA, UNA, PAS, AA, etc) y esta xente (Llope, Palacios, XXosé, Arbesú, etc) son nacionaliegos-asturianistes o son sucedáneos. Quieren realmente a Asturies o quieren otres coses? (lo de que quieran un puestín déxolo pa prau porque al pasu que van nun algamen nin del del autobús de Busdongo).
Pa trabayar pol país hai que facer como’l psoe y pp nel país vascu. Lo primero el país, lo demás secundario. Y toa esta xente lleven años engarrándose y con postures irreconciliables. Podemos considerar entós qu’esta xente trabaya por Asturies? Realmente esta xente tien Asturies como oxetivu nesta vida? Pa mi non.
Pa mi un nacionalista ha de ser fiel al binomiu: llingua y soberanía. Lo demás son enmazcaramientos, simpatizantes, etc que nun lleven a nenguna parte como llevamos años viendo.
Y entós, si nun son fieles como se ve a esti binomiu, qué los diferencia del psoe y pp? Yo nun lo sé.