Blog Esti home allorió
Enantes d’entamar,tengo que dicir daqué:Soi otru de los que piensen que l’ocho de setiembre nun debería ser el Día de la Nación Asturiana.
Hai feches más afayadices pa esi día (Mayu sedr’ia’l meyor mes),y ello nun quita pa que nel “Día de Asturias” les fuercies nacionaliegues fagan actos vindicativos y combayones qu’abran los güeyos a los asturianos escontra un día que sirve p’afitar la condición de rexón/provincia que nos lleven imponiendo dende fai años.
De toes maneres,sigui siendo murnio ver cómo tolos años pasa lo mesmo,y caún cellebra la fecha pel so lláu;Andecha Astur cellebra la yá tardicional manifestación n’Uviéu,UNA cellebra la yá tradicional fartura que camuda de sitiu cad añu,y URAS-PAS,qu’esti añu camuda d’escenariu y d’actos.
Gran error.
Nun deberíamos escaecer que’l bandu “provincialista” englóbase nuna sola fiesta,baxo’l paragües del gobiernu asturianu,ye dicir,ye un actu con sofitu y poder,demientres que lo que debería ser una alternativa fuerte,xunitaria y con puxu va quedar otra vegada más en tres actos aneudóticos,xusto lo que quieren los PSOE,PP y cía.
Asina lo plantego yo,como dos frentes,per un lláu’l “provincialista” y per otru lláu’l nacionalista.Dalgo simple,cenciello y que nun va muncho más allá de vindicar que somos una nación.
Si nun somos capaces de facer dalgo xunitario pa vindicar esi mensax tan cenciellu y que,na teoría,les tres fuercies sofiten,non sólo vamos salir perdiendo’l seutor nacionalista,tamién va siguir ganando l’otru seutor,siguirá comiendo’l pocu tarrén que tenemos.
Tolos años espero que’l siguiente tengamos actos xunitarios,y esti nun va ser menos.
Suañar sigui siendo de baldre…
Artículu espublizáu en http://esti-home-allorio.nireblog.com/post/2009/09/04/dixebra-vindicativa
7 respuestes a “Dixebra vindicativa”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Septiembre 4th, 2009 at 20:43
El casu opuestu al gran erru asturianu:
Les plataformes dixebriegues ‘Sobirania i progrés’, ‘Plataforma pel dret a decidir’ (PDD) y ‘Deu Mil en xarxa per l’autodeterminació’ manifestaránse xuntes l’once de setiembre, Diada Nacional de Cataluña, baxo’l llema: ‘Somos una nación, queremos un estáu propiu’ y con elles un montonáu d’entidaes y personalidaes.
Septiembre 4th, 2009 at 22:12
Y SOS ASTURIES que ye entós?.
Septiembre 5th, 2009 at 2:04
Empaná, yá tengo dicho nun mensaxe que’l “SOS Asturies” ye paezme perbién. Pero eses coses, si se quieren facer seriamente, han de facese de manera directa, diendo a les sedes de les demás formaciones y plantegándo-yos la propuesta cara a cara, personalmente. O si m’apures, per un fax o mail priváu. Nun me paez de recibu sacar una anuncia nun mediu dixital y esperar que’l que la llea vaya ponese en contactu contigo. Ye una opinión.
Per otra parte, la xuntanza ye pernecesaria. Y toos y toes han de trabayar en comuña pa ello.
Septiembre 5th, 2009 at 12:01
Paez que’l PCPE aceutó y digo yo falaríen con el.los nun dirán a la mani de AA ensin avisar. Por ciertu¿Crees que col artículu del Sr. Abab(UNA) (independientemente de lo que diz o tea o non razón) se llogra daqué pa la xuntura?. Yo creo que non.
Septiembre 6th, 2009 at 22:50
Non, nun creo qu’ayude a la xuntanza nestos momentos. Per otra parte, y ye un paecer que me da polos tos mensaxes, nin toi a favor d’UNA nin en contra d’AA.
Septiembre 11th, 2009 at 13:13
Propuestes d’aición conxunta:
1º Definir la titularidá de les sigles d’AA
2º Participar nes plataformes conxuntes ya esistentes (Ensame pola Republica asturiana,…)
3º Algame d’unos puntos mínimos colos que facer propuestes conxuntes
4º Trabayu nos conceyos, colos vecinos, que se nos vean les cares (eso al nacionalismu asturianu nunca-yos presto)
5º Coalición electoral conxunta de toles organizaciones asturianistes-nacionalistes en dos grandes bloques , interclasistes nacionalistes y nacionalistes d’izquierda, pal 2011
6º Diputáu na Xunta Xeneral
¿ye mui complicáu? De xuru, pero ¿pa que tan los políticos?. Sinon, lo meyor, pasar de los cabezaleros “de les rocees personalistes” y mandalos pal retiru, una nueva xeneración tien que tirar por ello
Septiembre 11th, 2009 at 15:41
Son pocos y pernidios puntos a algamr, Aristón. Esta web nun pue pronunicase sobre´l primeru, pos nun somos xueces, pero de lo demás pa min que ye un bon resume de lo que llevamos aldericando estos meses. Tenemos que dar la cara y los nomes -tolos que somos- pa dir poniendo pegoyos y afitar eses propuestes. D´alcuerdu.