Blog El gorrumbu’l torruxón
Camín del 8 Setiembre, digo basta. Remóntome. Contra los cabezaleros amantes de la so semeya y adoradores del so embeligru. Contra los que consideren el futuru la so corrada particular. Contra los que prefieren que se funda too enantes de renunciar al so tronu de moñolada. Contra los llambeculos camudaos de cortes pretorianes. Remóntome pa nun empozame hasta la cocorota nel noxu y les arcaes. Dende lo alto d’esti esboroñáu torruxón garro’l turullu y llamo a cnceyu esperando nortiar dalguién, magar seya ún rebalbu namás, nel finxu’l cielu. Faigo un brinde a remontase contra tantu bixorderu, contra tanta poca xixa, contra tantu llevantu y bilordiu utilizaos empara del argumentu razonáu y fondu. Sí, miániques, camín del 8 Setiembre, faigo un brinde a remontase yá, abiertamente, ensin mieu nin prexuicios. Faigo un brinde a La Xuntanza…
Artículu espublizáu en http://asturies.gugara.com/quasimodo/post/2009/09/03/brinde-a-la-xuntanza
3 respuestes a “Brinde a La Xuntanza”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Septiembre 5th, 2009 at 20:23
Hailos que nun quieren xuntanza, y demuéstrenlo día a día con tonteríes como esta, que se vien repitiendo una y otra vez http://twitpic.com/gldma
Soi simpatizante d’UNA, pero como se-yos ocurra siquiera sentase na mesma mesa que los andechos d’aguaño, conmigo que nun cunten.
Septiembre 6th, 2009 at 11:48
En política val de too. Puen ser andechos a nivel personal que-yos dió un calentón, o montaxe de la UNA pa desprestixar a AA.
Septiembre 6th, 2009 at 22:03
¿Nun quieren la xuntanza? ,¿quienes?; Si ye per AA ,¿porque fain lo de SOS ASTURIES?; amás creo que roblaron a última hora un alcuerdu col PAS.