Porque soi d’esquierdes y nun quiero opresión de nengún tipu y defendo la llibertá de toa triba, defendo’l drechu a falar de la mio nación, Asturies.
Tenemos el tiempu a la escontra, entá nun escaecimos la llingua y la cultura, pero la hestoria ta cuasi muerta; y como nun esconsonemos aína, Asturies muerre en mui poco años. El Navia-Eo pasa pa Galiza; fasta’l Deva pa Cantabria y el restu, xunto con Llión pa Castiella; esa ye la fin que mos espera si nun facemos daqué pronto.

Agora bien, y pa aclariar delles coses de la mio respuesta anterior. Ye verdá qu´en munchos casos como pongo atope actitues de nacionalistes asturianos pa midea dafechamente refugables y paraleles a pensamientos podres de l´españolismu mas ranciu que padecemos munchos de nos, pero esta nun ye la percepcion xeneral d´esi “nacionalismu astur”.
Resumiendo, toi plantegando, que dende´l principiu d´esti movimientu politicu n´Asturies fizose usu d´esti términu de manera equivocada, quicias por mimetismu con otros movimientos politicos anteriores apaecios notros llugares. Y si, sigo pensando que autonomase “nacionalista y d´izquierdes” ta cayendo nel desusu, sobre too n´aquellos llugares onde los movimientos soberanistes tan mas afitaos(llugares con cadarma y corrientes soberanistes tala que va dende burguesia hasta clases populares). Veanse Les Candidatures d´Unitat Popular catalanes, o la izquierda abertzale…en nengun momentu faen usu de la palabra “nacionalista”¿moda?¿cambiu d´imaxe?Pue ser, pero de momentu plantate ente la sociedá diciendo que yes “nacionalista”, y tres puntos más abaxo declarate “internacionalista”…Vamos ver, un club o una asociacion o una agrupación o ye “interclasista” o “clasista”,…Nun se…

Non non Ricardo, nun se si me desplique con propiedá, Dios me llibre de pone-y a Carlos palabres na boca, simplemente toi esponiendo la mio postura. Y si, custiono, y ca dia mas el conceptu de Patria. Suename esi cantar que dices, cantar por cierto interpretau por xente como Areces, como Fernando Alonso, como Tante el de Los Berrones, por Hevia…Por milenta persones que canten “Patria querida!” col mesmu arguyu y gayola. Agora bien, la “patria querida” d´hevia ye la mesma “patria querida” d´Areces, o que la mia?Ye dicir, ¿tenemos la mesma percepción de la Patria asturiana?Los dos falarante de Patria Asturiana, y diran qu´esa Patria ye suya, ensin embargu, ye mas que probable qu´esa pecepción de Patria nun case ente les dos definiciones. Nun creo que case la percepcion de Patria Asturiana que tien Carlos X. Blanco cola que tien Areces, pa ellos dos la patria asturiana esiste, pero de distinta manera. Yo, particularmente, puedo dicir, qu´entamando d´esti planteamientu esisten tantes definiciones de Patria asturiana como persones s´atrevan a facer una definicion de la mesma, y la mio definición de Patria nun tien que casar pa nada cola del vecín, y dificl solución tien l´asuntu, si naide oxetivu vien a dicinos cuala definición ye mas certada…
Educación y culturizacion oxetiva ye, pa min, da-y al ciudadanu una formación académica por exemplu, lloñe de manipulaciones o interpretaciones hestoriques analizaes con especial procuru pa que favorezan unos porgüeyos politicos, culturales o identitarios concretos. Puedo poner equí l´exemplu del “Covadonguismo”, la negación sistematica de la lliteratura fecha n´asturianu na educación, obviar fechos hestoricos asturianos como mayu de 1808,…¿Y eso pa que?Pa curiar que los nenos asturianos nun se planteen ciertes coses…Y eso faenlo toles Naciones, nun nos engañemos, a la Francia xacobina nun-y interesa qu´un nenu de Perpinyá sepia qu´hestorica o culturalmente tien llazos con xente del otru llau de la llende alministrativa que separa francia con España, catalanes del norte con catalanes del sur. Onde quiero llegar ye que, dende la optica dende la que toi analizando´l términu “nacionalista”, refugaría firmemente la hipotesis de qu´a un nenu se-y inculcara na escuela una hestoria manipulada pal beneficiu de la idea de la Nación Asturiana. Y eso vese, vense ya les interpretaciones que munchos faen de lo que paso n´aquel Ochobre del 34.
Culturización oxetiva y llibre, pa min, ye poder prender cualquier tele, lleer cualquier periodicu, o sintir cualquier radio… llibremente pa yo poder analizar y crear una percepcion propia de les coses. Que naide me niegue esi derechu como ciudadanu. Y munchos nacionalistes, tamien dende una percepcion particular de la Patria, decide que ye lo bono o lo malo pa min, que tele puedo ver o non..en verdá nun tan cuirandome, en verdá tan negandome la posibilidá d´analisis por si la so percepcion particular de nación cuerre peligru. Vuelvo a lo mesmo, y nun quiero xeneralizar, de fechu nun xeneralice col movimientu nacionalista asturianu, namas quixi asoleyar un paralelismu que me paez significativu. Camps niega arbitrariamente la emision de TV3 nel Pais Valencianu, nun quier que nengun valencianu pueda analizar polos sos medios si llingüistica, politica, hestorica o culturalmente tien daque en comun cola xente del norte porque eso supondría abri-y la puerte a nueves corrientes d´opinion, o non, o pue ser que nengun valencianu, depues de ver TV3 saque esa conclusión…El paralelismu al que me refiero ye´l de dellos nacionalistes asturianos, proponxeron l´anulacion d´emision de la TVG, pue ser colos mesmos enfotos de Camps, pero en clave asturiana…
Y p´acabar, la mio percepcion, y la de munchos otros, ye qu´el terminu nacionalista como tal movimientu politicu tien unes connotaciones y unos oxetivos politicos teoricos que nin muncho menos persiguen munchos de los que se faen llamar nacionalistes asturianos. namas faigo la reflesion, de que, siguiendo´l manual, tirando de llibru, de fechos hestoricos, de corrientes clave d´esi movimientu, el fechu d´autonomase “nacionalistes asturianos” ye un error (pue ser por desconocimientu) ocasionau polos mimetismos o colos llazos que se quixeron trazar colos movimientos nacios notros paises vecinos nuna domina concreta. Ye la mio opinion de dellos puntos que diz Carlos y que nun comparto pero que respeto fondamente, por eso asoleyolos equi, simplemente pa debatilos, pa intercambiar postures y enriquecese tos un poquiñin, por eso tamien me prestaria que comentareis que vos paez lo que digo. Polo demas, les demas custiones qu´espon Carlos y a les que nun faigo referencia compartoles…

Nun fadrá falta dir lloñe. Pamidea, una de les actitúes que meyor espeya esi conceptu de nacionalismu al que faigo referencia ye la continua y machacona actitú de dellos dirixentes nacionalistes asturianos que poníen, y que ponen entá, la so idea de “Nación ideal asturiana” dixebrada per enriba del sintir xeneral y les necesidaes de los asturianos, anque eso los lleve, como los va llevando durante munchos años, a la más gafa y vergoñosa de les derrotes, na mayoria los casos electorales. Resumiendo, paezme bramente significativo´l fechu de que, un partíu (cuando polo xeneral tolos partios serios presentense enfotaos en sacar unos resultaos dignos) que diz defender los intereses d´Asturies como rialidá social, hestórica y cultural, usando una terminoloxía ayena al pueblu pasa olimpicamente de les necesidaes urxentes de les persones que formen parte activa y que mantién viva esa realidá social, hestórica y cultural, presentando de cotanes ensin cayer de la burra una propuesta politica que, de momentu, refuga abiertamente´l pueblu que dicen defender. Ye dicir, munchos nacionalistes, entendiendo´l términu como lo defino nes rempuestes anteriores, ponen el so modelu concretu y ideal de Nación per enriba los pruyimientos del propiu pueblu. Por eso digo, qu´aquellos que se ficieron llamar nacionalistes asturianos pero que nun pasen per esta idea de facer politica, ente los que tuvi y ente los que tan otros tantos, autonomaronse “nacionalistes” equivocadamente. Esi planteamientu de da-y la espalda al pueblu que tuvieron durante munchos años distintos partios nacionalistes d´asturies ye´l resume de por qué refugo dafechamente esi términu pa nomar el mio pensamientu politicu. Por que yo quiero otru modelu p´Asturies, pero sobre too que sea asumible pa la mayoria, qu´encaxe la mayoria, que nun quede naide fuera, y eso los nacionalismos, hestoricamente, nun lo ficieron enxamas. L´asturianu nun diba ser menos.