Blog Esti home allorió
El nacionalismu asturianu nunca cuntó con voz nos principales medios de comunicación.Ye una rialdá que ta ehí y que,muncha xente,considera como ún de los males del nacionalismu asturianu,ún de los motivos polos qu’esta opción política nun espoxiga.
Ensin embargu,hai que ser realistes:ye normal que nun dean publicidá a partíos que saquen 3000-4000 votos,y mui pocos medios presten atención a partíos tan marxinales nel númberu de votos.Tampoco hai que ñegar que’l nacionalismu asturianu va tar siempres,en mayor o menor midida,censuráu nos grandes medios,pero de nós depende,en bona midida,el gráu de censura al que temos somorguiaos.
Sicasí,nun podemos perder de vista que l’apaición nos medios ye daqué perimportante pa llegar a la xente,pa que la xente conoza’l nacionalismu asturianu y les fuercies que lu componen,y pa ello,tamién ye necesaria la xuntanza.
L’apaición d’una fuercia nacionalista fuerte,activa y con puxu elleutoral diba facer que’l nuesu papel nos medios fuese más importante qu’anguaño;polo menos,eso sedría lo lóxico.
Sin dir muncho más lloñe,el Bloque por Asturies,pol fechu de tar con Izquierda Xunida,tien un papel nos medios que,ensin llegar al nivel de los tres grandes partíos,ye muncho mayor que’l papel d’UNA o Andecha Astur.
Estes dos organizaciones,a pesar de que seguramente son les fuercies estraparllamentaries más actives ,nun cunten con presencia nenguna nos medios,y esi ye un mal a iguar dientru de les nueses posibilidaes.
Na mio opinió,esta ye otra razón más pa puxar pola xuntanza:ganar n’importancia mediática y, polo tanto,en presencia.
Artículu espublizáu en http://esti-home-allorio.nireblog.com/post/2009/06/06/facese-oyer
16 respuestes a “Facese oyer”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Junio 6th, 2009 at 21:35
Detrás de dalgunos comportamientos nacionalites pienso qu’hai un mieu escénicu, un axorizu a salir a la lluz y un regodéu no marxinal ya invisible. Cada vegada que paez que dalgo xorrez surden, casi con precisión matemática, los problemes de toa mena. Y pa salir nos medios de comunicación por mor d’enfrentamientos, amarraces, disputes xudiciales, etc., la verdá meyor nun salir.
Junio 6th, 2009 at 22:08
Y yo entrugo: por qué nun se sal a dar la cara a dicir lo qu´haiga que dicir. Too son nomatos, too son bilordios. Ye´l regustu polo marxinal. Dellos nun salen del armariu, home. Interné podía ser un mediu bárbaru si s´aldericara con lluz y taquígrafos. Y con cares y nomes propios la sociedá entérase del trabayu fechu, y les bases nacionales amplíense.
Junio 6th, 2009 at 22:44
caro que hai que salir de la marxinalidá, claro que´l nacionalismu tien que dir a la gueta de la mayoría de los asturianos, salir nos medios de comunicación … Poro, nun ye importante xunir a AA y UNA , eso nun te saca de la marxinalidá , lo que te saca de la marxinalidá ye tener una organización grande ensín complexos , lo importante ye facer esa organización.camiento que les sigles d´andecha astur agora mesmo resten mas que sumen , la so imaxen dientro de la sociedá asturiana ye bien negativa, la muestra ye que n casi 20 años nun pasó de 0.5 por ciento de los votos. Nun gastemos fuerces y tiempo en trabayu que nun va tener resultao , trabayemos en facer coses que seyan posibles, nesi sen hai una organización que nació haz un añu col enfotu de ser la organización que de cabida a toles sensibilidaes del nacionalismu,UNA. Si quereis trabayar pa tener una organización con representación nel parlamento asturiano, que ponga esa prioridá encima la mesa , nun busqueis más enguedeyos hoostia! ya la teneis, sólo fai falta que vos pongais a trabayar dende dientru. Les puertes tan abiertes de par en par , nun tengais rocea d´entrar
Junio 6th, 2009 at 23:12
Yo un partíu ye un mediu p’algamar unos fines y namás. Si val, acuéi. Y si nun val, alón. Cuando unos collacios entamaron esti blogue la idega yera de caxón. Una xuntanza debiere tener como noyu d’atracción les dos fuerces más conocíes del nacionalismu. Pero la vagamar que surdió estos últimos díes paezme que nos dexó a dellos fuera bolos. Personalmente, la enésima engarradiella nacionalista, escosóme la paciencia política. La idega central d’esta páxina web rescampla más que nunca y pámique tien correa pa bien de tiempu: “la xuntanza del nacionalismu políticu asturianu”. Lo que reconozo ye que, personalmente, nun sé nesti momentu cual ye’l camín afayadizu pa llograla. A lo meyor vien per otra carril. Too va depender de cómo se desendolquen los acontecimientos d’equí pa en delantre. Agora bien, manifiesto al alto la lleva’l mio refugu hacia les postures que ponen al “partíu” per delantre de los oxetivos nacionales. Independientemente de les sigles nes que s’abellugue caún, lo prioritario ye la Nación Asturiana. Les erbíes polítiques tán pa min nun llugar secundariu dafechu y supeditáu a esi fin.
Junio 6th, 2009 at 23:57
toi dalcuero xanu, el partíu tien que ser la ferramienta, dalcuerdo, pero escoyamos una ferramiente que furrule, a ser posible nueva.la UNA nun xurdió por amor e les sos sigles nin siquiera por amor a les siegles de los dos partios que formen UNA( defecho renunciose a elles por unes comunes) xurdió en base a oxetivos y principios.
Xanu falemos si,d´oxetivos , de principios, y dexémonos d´imposibles que lleven a nenyuri. fai falta que UNA organización fuerte reagrupe a los nacionalistes, pero eso depende sobre tou de la xente que tais fuera de les organizaciones .
Junio 7th, 2009 at 4:34
Encamiéntovos lleer (los que nun lo tengáis fecho yá) el llibru “The cathedral and the bazaar” de Eric S. Raymond. Nelli desplica les razones del éxitu del software llibre pa dar respuestes rápides a problemes comunes. O, pa ponelo n’asturianu, por qué funciona meyor la sestaferia que’l trabayu dirixíu.
El llibru puede descargase de baldre en delles llingües de
http://catb.org/~esr/writings/cathedral-bazaar/
Un saludu.
Junio 7th, 2009 at 13:42
Ye penoso ver los patéticos intentos de xustificase de Unitariu. Lo que ta claro ye que nel país trabayen 10, y 9 tan dientru d´una organización. Si lo qu´intentais ye escluir a esa xente que trabaya, que se moya, dando la cara en tou momentu, que sabe organizase y enfrentase, eso va dientru de cada un.
Tamién tase viendo bien nidio, y con muncha cascancia, porque tolos comentarios lo demuestren, como lo vagos intentos por parte de xente averada o de dientru de la una de desainciar Andecha Astur pa, quitate pa poneme yo, nun lleven a nengún llau, porque Andecha va siguir ehí, porque Andecha piensa nel país, y sabe que cola xente de la una, Asturies va más p´atrás, o naide s´alcuerda de toles que lleven en estos dos añinos? porque yo si.
Tamién vos animo a averavos a Andecha Astur, vereis comu tenemos les puertes abiertes a tol mundiu, y cada un pue trabayar no que quiera.
Junio 7th, 2009 at 15:08
Nel, qué nun compartes del autu del xuez que-yos da la razón a ex-militantes d’Andecha??
Junio 7th, 2009 at 16:02
Razón en qué? porque igual puedes desplicamelo, porque nun acabo d´entender en qué ganaron.
Junio 7th, 2009 at 17:27
Tas quedándote con nosotros, Nel?
Junio 7th, 2009 at 17:44
Non, pa nada, yo veo esa sentencia, pero nun veo nin que se ganó nin que se perdió, por eso, si dalguien que loo entienda bien, me diga qué ye lo que diz esa sentencia esautamente, y en que diz acerca de les siegles. Yo soi d´andecha, pero igual esto se m´escapa.
Junio 7th, 2009 at 19:15
hola Nel, ye normal que nun t´enteres de que pasa n´andecha. los dirixentes d´andecha lleven dos años ocultándovos la realidá llegal de la organización.En resumides cuentes la sigla Andecha Astur nun tien actualmente organos legales, nin tien executiva , nin xunta xeneral, nin naide que tenga nengún cargu . pa que entiendas esta segunda sentencia has de pedir la primera sentencia a los tos cabezaleros ,que´l xuez determinó habrá un añu ,ya te adelanto compañeru que nun te la van dexar lleer.
Por otra parte digote que, la xente que tuvo actuando coles sigles d´andecha ta claro que van siguir “trabayando” políticamente, lo que me parez perdificil ye que lo faigan coles sigles d´Andecha Astur.
Tamién comentate sobre lo que dices de que teneis les puertes abiertes , yo más bien creo que les puertes que teneis abiertes son les de salida.
Un saludu y deseo que acabes enterándote de lo que pasó n´Andecha Astur, suerte
Junio 7th, 2009 at 20:33
Nun m´esclariasti nada de qué ye lo que se pierde con esta sentencia?? les sigles? la posiblidá de continuar?
Junio 7th, 2009 at 20:51
Pero tu chaval, cómo ye lo tuyo?? nun sabes lleer o qué?? Tán diciéndote que la xente que llevaba hasta agora AA mintió y actuó illegalmente pa imponer el so criteriu penriba del proceder acordies la democracia interna del partíu y tu sigues entrugando poles sigles… nun se pierden les sigles, gánense, porque vuelven a quien-yos correspuende.
Eso déxalo nidio l’auta’l xuez. Tu formaríes parte o votaríes a un partíu onde la xente que lo dirixe miente a los sos militantes???
Junio 8th, 2009 at 0:37
yo eso nun lo veo na sentencia, pero bono, viendo lo visto, ya ye lo de menos
Junio 8th, 2009 at 0:44
Nel, sabes qué ye un troll?