Editorial de «Pola xuntanza»
Ufrimos los Principios ideolóxicos y mínimos de cada partíu pa la so comparanza. Albidramos que los testos son abondo asemeyaos (razón más pa la xuntanza):
| Principios ideolóxicos d’UNA:
a) L’algame de la soberanía nacional del pueblu asturianu y la so capacidá d’exercer l’autodeterminación pa dotase del marcu-xuridícu políticu que considere más afayadizu, espeyáu nuna Constitución asturiana. b) La defensa de los valores republicanos y de la república como forma de gobiernu p’Asturies. c) La defensa de los derechos ya intereses de los trabayadores y de los sectores populares. d) La oposición a les inxusticies sociales. e) La consecución d’una Europa de los Pueblos, xusta y solidaria, na qu’Asturies tenga un papel protagonista xunto col restu de los pueblos, estrenchando especialmente la rellación colos del arcu atlánticu. f) La democracia participativa y la so institucionalización efectiva. g) La defensa de los intereses d’Asturies. h) La construcción d’un futuru basáu nos principios del desarrollu sostenible y de la defensa del mediu natural y la tierra. i) La igualdá real ente muyeres y homes. j) El reconocimientu de los derechos de les minoríes y sectores de la población menos favorecíos y esplotaos. k) La oposición al desaniciu cultural y llingüísticu d’Asturies y la llucha pola plena normalización cultural y llingüística. l) La llimpieza na acción política y la llucha escontra la corrupción y el clientelismu. |
Principios ideolóxicos d’AA
1. Asturies ye una xunidá xeográfica, política, hestórica, social, cultural y llingüística, que la conforma comu un país estremáu, ello ye, una nación. 2. A Asturies, comu comunidá nacional, asíste-y el drechu inalienable, permanente ya irrenunciable al so llibre autodetermín; al Pueblu Asturianu asíste-y el drechu a decidir por sigo mesmu’l so modelu social, económicu, políticu, cultural y llingüísticu y a encadarmar comu-y pete les sos rellaciones colos pueblos y estaos que lu arrodien. El drechu al autodetermín d’Asturies tien de tar garantizáu por entamu democráticu, tamién pol Estáu español. 3. Comu basa de toa nación, Asturies tien drechu a la so integridá territorial y a una organización política común pa tolos sos territorios hestóricos. 4. Ensin la capacidá’l Pueblu Asturianu pa comunicase nel so propiu idioma, enxamás nun algamará la so braera identidá. Soberanía asturiana quier dicir tamién que la llingua asturiana –coles sos variedaes llingüístiques– tien de ser recuperada por tolos asturianos y asturianes porque ye un padrimoniu de tol Pueblu Asturianu. 5. La soberanía y l’autodetermín del Pueblu Asturianu y de les sos istituciones pasen por recuperar la capacidá y el poder políticu afayaízu pa garantizar la recostruición d’Asturies en toles estayes: la economía, la cultura, lo social, lo llaboral, lo político, la llingua, la hestoria, yaeso, ensin dependencies nin enxerencies nin imposiciones, y disponiendo de tola capacidá de representación direuta y soberana en tolos foros ya istituciones internacionales. 6. La inxusta rialidá na que s’atopa la sociedá asturiana fai preciso algamar un sistema más xustu y llibre onde les clas populares y trabayadores protagonicen una fonda tresformación que les empobine haza’l so progresu nuna sociedá socialista, igualitaria, non sesista, desmilitarizada, ecolóxica y con especial precuru haza los seutores qu’anguañu s’atopen marxinaos o amenorgaos. 7. Andecha Astur tien d’implicase activamente na defensa ecolóxica d’Asturies, lluchando pola recuperanza del mediu ambiente y diendo a la escontra dafechu de cualesquier sistema productivu sofitáu na esplotación irracional de la ñatura, del xorrecimientu cuantitativu de la produición col únicu finxu d’acumular beneficios económicos y del fomentu del consumu escomanáu. Andecha Astur puxará poles tribes de trabayu y produición sofitaes nel respetu de los valores ñaturales y paisaxísticos, la renovabilidá de los recursos ñaturales y el caltenimientu de la calidá de vida comu padrimoniu a tresmitir a les futures xeneraciones. 8. Andecha Astur tará siempre a la escontra de los entamos patriarcales, sesites y machistes qu’ispiren esta sociedá y comprométese a trabayar por una sociedá na que tean desanicies dafechu la marxinación y la opresión que carecen güei les muyeres. 9. Andecha Astur sopeléxase antimilitarista y atalanta un futuru ensin guerres, onde los exércitos nun tengan xacíu nin hebia sitiu pa opresores. 10. Andecha Astur sopeléxase solidaria colos drechos y llibertaes individuales y colleutives recoyíes nes estremaes Declaraciones de Drechos Humanos y de los Pueblos, y ye unaorganización internacionaliega qu’afita la so solidaridá con tolos Pueblos de la Tierra, mui especialmente coles naciones ensin Estáu y los países que tan siendo espoliaos. 11. Andecha Astur sopelexa’l respetu a les estremaes tribes de rellación afeutiva y sesual y el reconocimientu llegal de cualesquier situación de convivencia social afeutiva a efeutos d’exercer y esfrutar de los mesmos drechos que les presones heterosesuales. |
31 respuestes a “Principios ideolóxicos d’UNA y AA”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Junio 1st, 2009 at 0:13
Puxu y fuercia p’esta nueva idega que naguo porque se faiga realidá. Seméyame la mena d’algamar representación institucional ya asina glayar polos drechos del nuesu país.
Junio 1st, 2009 at 10:24
Nunca naide duldó de que los principios son asemeyaos. De fechu hai dos años entamóse una xuntanza y tanto IAS como Andecha Astur, los que se xuntaron pa fundar UNA, llegaron a un alcuerdu.
Hubo xente que nun quixo esa xuntanza y por eso siguieron trabayando como Andecha Astur ¿porqué nun falais con ellos a ver si los convencéis vosotros? ¿nun ye inxusto tratar igual y reclama-yos igual (y hasta insultar y despreciar igual) a los que se xuntaron qu’a los que nun se quixeron xuntar?
La idea de la xuntanza ye bona pero pa que parta del principiu de realidá tien que basase en que hai que xuntase tolos que podamos pero hai unos que nun se quieren xuntar. Nunca quixeron. Eso pasa en tolos llaos y nun ye tan grave si tolos demás tamos xuntos.
Dicho seya con tolos respetos. Pero hai que respetar tamién sobre too a la xente d’Andecha qu’apostó pola xuntanza nel 2007.
Junio 1st, 2009 at 10:40
¿Pa la UNA la Nación Asturiana ye’el territoriu del Principado anguaño?¿Nun esiste’l tema de la territorialidá pa los nacionalistes de la UNA?
Junio 1st, 2009 at 12:43
Pal nº 2, que ye que nun lo pescancio: “¿nun ye inxusto tratar igual y reclama-yos igual (y hasta insultar y despreciar igual) a los que se xuntaron qu’a los que nun se quixeron xuntar?”. ¿Eso que quier decir? Nun va por nós ¿verdá? Si queremos Xuntanza ye porque respetamos a les dos partes en conflictu. Un finxu pa entamar: equí nun vamos consentir insultos nin desprecios a les dos partes que tán dixebraes ensin tener que lo tar. Equí nun vamos dar la razón a denguna más qu´a otra. Solamente naguamos por un Frente o Coalición nacionaliega con puxu y fuerza, un centru d´aición política que nun se vaiga espardir , nin en votos nin en brenga.
Junio 1st, 2009 at 15:17
Cómu ye que nun quisieron? lo que nun quisieron foi una xuntanza a la escontra de tol xaciu. El que diz eso o bien ye que nun tien conocimientu, o bien ye que fala con mala fé. Fai dos años tol mundiu quería xuntase, tol mundiu naguaba por amañar les coses, lo que pasó ye que como se veia que nun diben les coses comu se quería, tiróse a la brava. Pa muestra un calcetu: IAS menos, IAS como candidatu. por eso, la mayoría los militantes d´Andecha, nun quisimos pasar. Poro, nós queremos una xuntanza, una braera xuntanza, non una marca elleutoral, onde los muerganos de direición ten claros, se sepa pa onde se quier dir, se sepa que medios… Ta nidio que si que se pueden algamar alcuerdos, pero siempres que la tresparencia te penriba de tou.
Junio 1st, 2009 at 15:43
Lo más granible diba ser non pensar de mano en xuntances electorales, onde hai priesa, hai plazos, hai muncho de negociación de puestos, llistes, etc. Una xuntanza electoral nel futuru diba pasar, pémeque, por una federación bien estructura de les formaciones. Federación enantes qu´un “totum revolutum”. Nun sé, ye una opinión mui personal y fecha con modestia. Les coses feches per pasos avecen salir meyor. Federándose tres un tiempo en xuntanza pa les aiciones concretes, sabe ún tovía ónde ta, etc. Toi d´alcuerdu colo de la braera xuntanza más que colo de marca ellectoral.
Junio 1st, 2009 at 15:49
Y qué pasos tien pensao facer los que lleven esta web? tien pensao facer xuntances coles diferentes formaciones de les que falen, o sólo van sacar noticies?
Junio 1st, 2009 at 16:07
Nun principiu esta web pensóse pa ser namás un espaciu de reflexón ciudadana, simplemente. Y de pasu, por qué lo ñegar, de “presión” cidadana pa xuntar voces, opiniones, noticies, etc en favor d´esa xuntanza. Pero si dalgún llabor mediador o facilitador de la xuntanza se puede facer, fáese. Va depender de les organizaciones involucraes.
Junio 1st, 2009 at 17:54
Nel, esta web fairá lo que tenga que facer, pero nun creo que se-y puean pidir responsabilidaes que nun-y correspuenden. Encamiéntote a la entrevista n’aruelu.com por si nun pescanciasti entá’l xacíu d’esta web http://www.aruelu.com/spip.php?article832
Y pal segundu (xuntos podemos), lo que diz Carlos, nesta web enxamás s’insultó nin se despreció a naide.
Pa Xabier, sigo ensin ver contradicciones o problemátiques pa la xuntanza. Lo que camientes ¿ye tán grave pa la xuntanza?
Junio 1st, 2009 at 19:30
Acabo atopar esta web y unvíovos tol ánimu posible pa qu’algamemos la xuntanza. Esa deseyable xuntanza na que toos mos enfotamos.
Sólo xuntos podremos entrar na Xunta Xeneral.
Junio 1st, 2009 at 19:33
Tomate: Gracies, Si quies collaborar con esta web, tienes tres maneres de facelo:
- Mándanos la to web personal o blog pa que lu espublicemos na sección “Enllaces d’apoyu” y amosar, asina, que somos muncha xente la que naguamos pola xuntanza.
- Mándanos les tos opiniones pa que les espublicemos na sección “Opiniones” (fadrá falta’l to nome y un apellíu).
- Ponte en contactu con nosotros pa ser autor/a y dir apurriendo entraes qu’apaezan na prensa dixital o webs d’información. Cuantes más persones seyamos, menos trabayu costará qu’esti sitiu algame’l so oxetivu.
polaxuntanza@gmail.com
Junio 1st, 2009 at 20:35
Coincido col segundu: nun se pue tratar de la mesma mena a quien fizo l’esfuerciu por xuntante (UNA) y a quien non (los qu’anguañu tienen, con trampa, les siegles d’Andecha Astur). Y lo que nun val tampoco ye que venga agora daquien de los andechos actuales diciendo que querien xuntase d’aquella, porque ye MENTIRA, pura y dura MENTIRA. Xuntase nun ye pretender que los demás desaparezan y se metan dientro de la to organización ¡POR DIOS!
Ye mui llexitima la vuesa iniciativa na rede pa reclamar a les partes que se xunten pero ye inutil del tou si nun s’analiza con detenimientu lo que paso de dos o tres años a equi. Con tolo que paso y ta pasando n’esti momentu nun se pue pedir mas a quien lu dio tou por algamar una xuntura.
Y como dixe n’otru filu d’esta web, animovos a entrar n’Andecha Astur y ver lu que hai. Atreveivos, por favor.
Junio 1st, 2009 at 21:57
Por más que pongas en mayuscules, l´unicu que lo crees yes tu y el que te lo contó. Yo creo qu´esto, como bien diz un de los autores de la páxina, nun ye p´abrir mancaures vieyes, pero paez que vos tais empecinaos n´abriles, si nun ye via internet, ye via xudicial, y nun vos cansais de perder.
Pa finar, yo nun voi contestar a más tochaes d´eses, porque lo único que me diz ye que los que nun vos quereis xuntar sois vos, y veolo cada día más claro. A ver si esti llugar d´alcuentru val pa dalgo. Perbona inciciativa
Junio 1st, 2009 at 22:14
Prubinos los andechos, van ser agora les victimes, si ye que a la fin igual fueron ellos los unicos que quisieron xuntase.
Quien pierde ye Asturies, non la UNA por querer llevar alantre la xunidá del nacionalismu, y cola vuesa actitu sectaria pierde mas tovia.
amás que hipocrites, macarres y MENTIROSOS sois, va ser que vosotros faceis por zarrar firies: http://ruxideru.wordpress.com/2009/05/31/pola-xuntura-de-cartelos-electorales/
Junio 1st, 2009 at 22:25
A ver, andecha y esAndechanu, camiento que podéis dicir les coses ensin insultar. Vamos entendevos igual.
Junio 1st, 2009 at 23:27
Lo triste e inxustu ye no que cinca a la xuntanza valorar al mesmu nivel a UNA y a los que güei tienen el nome d’Andecha. Esto resulta mui frustrante pa la xente que tantu arriesgo y tantu dexo atras pa facer daque xunitariu pal nacionalismu d’izquierda, pa facelu pa xente militante como pue ser el mio casu o pa xente que nun lo ye, como ye’l casu de los que llevais esti blogue.
Pa que toos nos afayemos baxo una mesma organizacion munchos ficieron munchu, ficierase meyor o pior, lo menos ye reconocelu. Naide se gana la vida con esto.
Junio 2nd, 2009 at 5:12
Yo nun pedí responsabilidaes, ye una entruga, ensín más.
Esandechu, dos coses, si tienen el nome, nun sedrá ilegalmente, sedrá porque ye d´ellos. Y otra, Evidentemente nesa xuntura, polo que se ve, arriesgó muncha xente, y salió mal, por delles coses que yo tengo la mio opinión. Pues por mui frustante que seya , salio peor, y paez que habrá que volver sentase y volver intentalo, y agora que sabemos los errores, amañalos, ente otres coses el facer una coalición a saltu mata a costa de lo que fuere.
Junio 2nd, 2009 at 9:18
Nel, decir que la UNA salió mal polo que pasó cola xente qu’anguaño ta n’Andecha ye una babayada sin xaciu, digna de lo que ye esto: bilordios ciberneticos de xente anonimo que nun valen pa nada. Hai xente cola que nun se pue cuntar, y non porque yo lo diga, dicenlu y amuesenlu ellos colos sos comportamientos y la so actitu sectaria y macarra.
Falar de xunida ente UNA y Andecha, o meyor dicho, falar de cualquier xunida na que se quiera que tea Andecha ye pa descoyonase tantu agora como nun futuru cercano.
Junio 2nd, 2009 at 11:26
Esto ye too una amarga comedia. Val más nun dicir nada hasta que pasen les elecciones, pero habría muncho, pero muncho que dicir. Y sí, toi d’alcuerdu colos que falen del síndrome del “referente” (ver Aruelu). Falando de la xunidá del nacionalismu asturianu, colo cuesta arriba que se-yos fizo a dalgunos llamase asina. Peleando dos fuercies pa ver quien va cola socialdemocratada d’Europa de los Pueblos (EA escisión del PNV, la Chunta que sofita al PSOE y echa a les mocedaes más nacionalistes, Esquerra que cobogierna con PSOE y IU nel tripartitu que reprime a trabayadores y estudiantes, y la guinda: el Bloque, que reivindica cachos d’Asturies). Menuda bicoca, ¿eh? Pero nun hai cuidáu, lleguen los gallegos y a tomar polculu l’inventu, nin la UNA nin la OTRA, porque pesen más 20 o 30000 votos gallegos que los ¿4000? asturianos. Y a too esto, tanto falar d’unidaes, d’unidaes, pero siempre electorales. Atendiendo pa los etenros pididores d’unidá, eso que sociolóxicamente llamamos “l’asturianismu”, especialista en teatros campuamores pero que dempués nun vota siquier a la xente a la que pide que s’axunte. ¿Qué pasa coles unidaes na cai? ¿nel trabayu? ¿qué trabayu? ¿Meses pa formar un frente de resistencia? ¿Con qué autoridá, con qué audiencia, si muncha xente lo único que fai ye escoyonase con estos partidinos? Y onde yéremos pocos, otra candidatura estatal más radical, pa dar cancha a quien yo me sé. Y lo coyonudo ye que puede que saquen el diputáu, o anden bien cerca.
Y dime, Xurde. “Hai xente cola que nun se puede cuntar”, dices. ¿Y qué ye d’aquella cola que sí se puede cuntar? Bueno, meyor lo dexamos, anda, nun sigamos que ye peor.
Ensin gotu de gracia, ensin gotu d’enfotu, con muncha tristura polo que puede ser y nun ye.
Junio 2nd, 2009 at 15:25
6000 años llevamos dándonos d´osties y nun somos pa igualo, y too por griesques personalistes. Los cabezaleros políticos nacionaliegos d´anguañu son como los xefes de tribu d´antanu y el restu, llocalistes a más nun poder, decantámonos pol de casa y a engarrase col vecín.
Ta bien claro que si nun se quier xuntanza ye porque nun se quier y de pasu ayudamos a fincase n´esti país a los partíos centralistes, incluyíos los nuevos (UPyD). Hasta un partíu antitaurinu sacó más votos que nós nes últimes elleiciones estatales.
a mín dame igual que si el cabezaleru ye de IAS, UNA o AA, dame igual quién tién más afiliaos, votos o perres, yo solo soi un votante nacionaliegu que quier ver un partíu fuerte pa enfrentase a quien hai q´enfrentase, que s´afite n´Asturies, que piense nun futuru nuna coalición Astur- Llionesa pa corta-yos el pasu a los gallegos n´Estremaura, Zamora y Llión y recuperar la estaya d´influencia Astur, anguañu escaecía. Munchu trabayu ye como p´andar a osties ente nós.
Pone-yvos a trabayar d´una vegada pola Xuntanza
Junio 2nd, 2009 at 15:36
nun escaecer el Partíu Asturianista (PAS). el pasáu y el futuru pasa (masque-mos pese a dalgún) per él.
Junio 2nd, 2009 at 21:56
Xuntanza sí, pero con nueves cares; de momentu AA punxoles UNA siguen los mesmos, anque ye una IAS con otres siegles, igual que la UNA que algamó escañu nel 1991 yera el PAS. Segundes partes nunca foron bones. Nesti casu nin nel 1991 les coses acabaron bien. La culpa de AA ¿verdá?.
Junio 2nd, 2009 at 22:30
Iyan, mui mozu yes collacín, dexa esto de los foros por que nun ye lo tuyu. Andes mui perdiu y nun tien xaciu nengun les coses que dices, nun faigas mas el ridiculu.
Junio 3rd, 2009 at 10:21
Uy,uy uy, que se cabréen los pseudo-nacionaliegos. Entá diría más; nun yes naide pa dicir lo que debo dicir o facer. Ye más agora digo y afirmo que la IAS nunca se presentó a unes elleiciones dende la so fundación en 1992 fasta hai bien pocu ya baxo otres siegles UNIDÁ ( exceuto quiciabes en Mieres y Piloña que por ciertu echaron al so conceyal al pocu). Fo parte del BIA( xunto a PCPE, e INA) Tres desfacese polos probes resultaos, los de INA pasaron a nomase BA (güei en IU), mentes IAS y PCPE siguieron el so camín. Y llueu a char de AA porque fai ruedes de prensa col PCPE.
Junio 3rd, 2009 at 13:05
Debríen sentase los del AA-BA-PAS-UNA pa falar, anque sólo seya “pa la semeya”
Junio 3rd, 2009 at 14:14
Lliendo los entamos ideolóxicos veo que, Andecha tienlos bien definios, UNA ye una declaración d´intenciones que nun especifiquen gran cosa, pa la mio opinión acoxica munchísimo.
Y, qué tipu de xuntura se taría pensando?? porque nun creo que ningún quiera perder les sigles, polo que debería ser siempres teniendo en cuenta esi aspeutu. Una executiva ponderando militancia y votos??
Junio 3rd, 2009 at 15:15
Los entamos ideolóxicos paécenme muncho asemeyaso. Pue cambiar el estilu, l´acentu, pero rescampla que dambes les dos tienen un mesmu enfotu. Nós pensamos que una xuntanza abierta a otros, como dicen arriba, ensin ahbela enantes ente UNA-AA acoxaría pa siempre, nunca nun sería verdadera xuntanza. El pasu primeru sería UNA-AA por afinidá ideolóxica. Depués, hai que facer camín al andar…
Junio 4th, 2009 at 0:52
Una xuntanza ensin UNA y Andecha quedaria coxa. Agora bien, si una de les partes nun se quier xuntar ¿qué facemos? ¿repetimos otra vez toos estos bilordios y faceis otro blog distinto pa reclamar lo mesmo metiendo a toos nel mesmo sacu?
Junio 8th, 2009 at 16:17
Yo toi que nun doi creitu, Tuve n’Andecha vi tolo que pasó y sintiendolo munchu nun voi dir nin a pañar duros colos trenta militantes que queden na organización. Si trenta, pues poner muncha xente n’una llista pero que paguen al mes trenta.
Votar Andecha ye votar unes sigles a les qu’estos 30 s’amarraron ¿llegalmente?, sí (por agora), ¿de manera xusta?, non, non y non.
Non porque había una xunta executiva nueva, apoyada pola mayoría de la militancia, que taba a favor de la xuntura AA-IAS y de la que los anteriores miembros de la xunta executiva taben en contra (teníeis que velos berrar nes Xuntes nacionales).
Non porque desconocíase que los estatutos colos que se trabayaba nun lleren llegales, había otros mas antiguos ensin camudar en Madrí.
Y non porque valiéronse d’esta conocencia y de que la Xunta Executiva nomada nos estatutos vieyos yeren ellos mesmos, pa quedase (pol momentu) llegalmente coles sigles que tanto amen.
Podeis cuntar toles mentires que vos dea pola gana, pero sabeis tan bien como yo, qu’el únicu enfotu de lo que queda de AA ye AA, munches vegaes sentí falar de xuntura, pero solo si la xente que quería xuntase entraba dientru d’AA. Eso nun ye xuntura, ye afan de hexemonía-paranoide.
Munchos pensabamos qu’esi nun yera el camín y cuando tuvimos fuercia suficiente pa intentar camudar les coses, lo que paso ye que los “dueños” d’AA nun lo soportaron y prefirieron mandalo too a tomar pol culu que plegase a la decisión de la mayoria.
Agora lleo lo que diz Mario Arbesú, y nun lo creo. Sintiendolo munchu pa min nun tienen denguna credibilidá, anque lo diga en serio y creyendolo enxamás los van dexar movese p’algamalo.
Pa lo que queda de AA, IAS yera el demonio. Pa MIAS, AA yera el demonio. Por un llau y pol otru torpedearon la xuntanza nacionaliega y agora solo falen d’eso mesmo. Ye de llocos.
Lo que podía xuntase de la izquierda nacionaliega ya ta xunto, nun aceuto lleciones de naide que fizo tolo posible pa xeringalo tou. El que quiera venir que venga, pero pola nuesa parte los sacrificios tan fechos(IAS y AN renunciaron a les sos sigles) y solo miramos pal fururu d’Asturies, non de unes sigles determinaes nin de presonalismos babayos.
UNA ye unida nacionalista asturiana, mas claro agua.
Noviembre 19th, 2009 at 15:55
ta claro que los idales d’UNA nun tan bien definios..llevando como lleven nes sos llistes a “ideólogos” del galleguismu. Yo taba ente votar a AA o UNA pero depués de ver la forgaxa qu’habia na UNA, vilo claro. Eso sí tien xente preparao como Ambás y Zapico…pero, ay mamina hailos que son de tarrecer.
Noviembre 19th, 2009 at 23:47
La postura de Propinde ye la postura de muncha xente que conozo y creo qu’esa inesistencia de voluntá negociadora failos, en parte, cómplices de lo que ta pasando. Como a tolos demás que s’enroquen o arrequexen n’otros principios “intocables”.
Y failos cómplices porque esos decálogos personales innegociables anúlenlos como valedores pa cualquier tipu de xuntanza. Mientres X nun aceute la postura d’ellos nun quieren saber nada. Y eso, a parte de nun ser política, ye un cáncanu p’Asturies que sólo favorez a los antiasturianos.
N’Asturies fai falta una “TRANSICIÓN” nacionaliega pero yá. Y eso entámase por aceutar a los demás, comprender les otres postures y valorar y potenciar lo que se comparte en común.
Tolo demás ye, como digo, ayudar qu’esto vaya peor. Igual mata el que mata como’l que tira de la pata.