Editorial «Pola Xuntanza»
Col envís de poder coordinar meyor les informaciones, comunicaos, etc. , ente los simpatizantes y participantes na web Pola Xuntanza del Nacionalismu Asturianu, queremos facer un llamáu pa que nos unviéis un corréu electrónicu y el vuesu nome y apellíos y asina poder incluyir esos datos nuna llista de distribución de corréu. D´esta miente vamos poder contautar de forma rápida, discreta y direuta con vós. En dengún casu van salir espublizaos los vuestros nomes y direcciones.
Esta llista tamién pue sirvir pa coordinar una posible convocatoria de Plataforma pola Xuntanza, tal y como se fala nos foros de nuestra web. Tala Plataforma ha ser independiente de la web, que ye meru espaciu de crítica y reflexón y asina va siguir siéndolo.
Brindámonos equí solo pa coordinar esi posible Conceyu fundador del que, en casu d´alcuerdu, podría surdir un colectivu que nague pola xuntanza del nacionalismu asturianu ensin pretensión denguna de suplantar a los partíos, fuerces polítiques y coaliciones esistentes o futures, antes al contrario, nacer cola meta d´espardir les xuntances, restañar feríes y amestar fuerces.
En tal casu, una vez algamada tala plataforma, la web aplaudirá y ayudará al entamu de tala iniciativa pero la web Pola Xuntanza namás collaborará dando voz a cuantos comunicaos se mos unvíen dende dicha plataforma, funcionando independientemente. La web Pola Xuntanza siguirá funcionando cola llínea qu´amosáramos hasta agora, como meru espaciu d´alderique llibre y constructivu.
Yá conocéis el nuestru buzón:
polaxuntanza@gmail.com
Van ser eliminaos los correos con un nomatu o una identidá supuestamente falsa. Munches gracies por collaborar. Asturies merezlo.
4 respuestes a “Llamáu pa llista de distribución”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
17 Payares, 2009 at 22:45
Bones
Tamos a punto de finar la torna al asturianu del meyor xestor de llistes de corréu electrónicu: Mailman.
Ye un xestor que necesita que se tenga un sirvidor, y tien potenciales como amestase/desaniciase los usuarios de manera perfácil y automática. Tamién xestión de corréu puxarra…
http://www.gnu.org/software/mailman/index.html
http://www.gnu.org/software/mailman/mailman-member-es/node40.html
Si vos presta teneis que danos unes selmanes
Podeis ver como ye equí:
https://lists.ubuntu.com/mailman/listinfo/ubuntu-ast
¡Un saludu!
19 Payares, 2009 at 22:50
10.000 dimos la cara pola oficialidá, a ver cuántos dan la cara pola xuntanza de los nacionaliegos d’esti país.
5 Avientu, 2009 at 12:54
Gracies per abrir la propuesta a toos/es esí ye’l camín. Ver veremos el resultáu.
21 Xineru, 2010 at 20:57
Xuntos ensi xuncise
xuntos ensin xuncise, esa sedría la manera d’algamar una candidatura nacionalista pola que naguamos munchos de los asturianos que, ensin tar nun partíu afiliaos, daríamos el nuesu sofitu y votu.
Acaecí nesti momentu un dicho francés que diz:
“Ye meyor ser cola de lleón que tiesta de ratu”.
Nesi momentu, nel que les nueses fuercies nacionaliegues escaezan les pequeñes miseries de ser una tiesta de ratu y enfotense en ser senciellamente cola de lleón, algamaremos l’oxetivu d’atopar esa xuntanza o fuercia que-yos permita dir xuntos ensin tar xuncíos.
¿Ye posible algamar esi enfotu?