Blog Esti home allorió
Torna a la actualidá la conveniencia o non de puxar pola propuesta entamada por Valledor de facer una fuercia asturiana,asturianista,verde y d’esquierdes a partir del seutor asturianista d’IX,el Bloque,UNA etc.
A día de güei nun ye más qu’una propuesta y nada más.Valledor nun va ariesgase a facer nada ensin el sofitu d’eses otres fuercies coles que quieren cuntar,nin estes fuercies paecen mui pol llabor d’averase a valledor.
Pero vamos facer un analís de lo que pasaría con IX si esi nuevu partíu surdiere.
Pa entamar,con Valledor colaría el Bloque por asturies,Los verdes y el seutor asturianista de la coalición,dexando a esta ensin más d’un terciu de los potenciales votantes colos qu’agora cunten.N’otres pallabres:Izquierda Xunida quedaría col votu tradicional del Partíu comunista como únicu bastión pa siguir esistiendo,amás de quedar organizativamente falando nuna situación perdificil.
Perder a esos seutores pa IX sedría perder el pocu dinamismu col qu’agora mesmo cunten en favor d’una nueva y ilusionante fuercia qu’atapecería a esti partíu.
Sedría dexar solos nun barcu naufragante a los responsables de la perpetuidá del réxime “socialista”,ensin la mázcara cola que se cubríen hasta agora.
Tamién sedría finar,en gran midida,cola esquizofrenia a la que nos tien avezaos Izquierda Xunida,criticando a diestru y siniestru les midies qu’ellos mesmo sofiten como miembros del gobiernu .
Una vegada desmazcaritaos y reducíos a una versión del PCA qu’asume y collabora col sistema,anque esti seya tolo contrario a lo que diz la so ideoloxía,la esistencia d’IX nun tendría sentíu.Evidentemente siguiríen esistiendo,porque pa una organización estatal sedría un desastre nun cuntar con una federación n’Asturies,pero nun sedría más qu’un muertu en vida,un depositariu de votos de la esquierda non asturianista que bien podía votar a la FSA.
Tuvieren la so oportunidá,l’asturianismu d’esquierdes al traviés de bona parte de los sos votantes sofitarenlos y ellos respondieren vendiéndose por puestinos y perres al gobiernu arecista.
Nun van tener más oportunidaes,y ye custión de tiempu qu’IX españe.Ye imposible que la xente que de verdá puxa por esi proyeutu del que fala valledor quede n’IX ensin facer nada polos sieglos de los sieglos.
N’IX de xuru que danse cuenta de que si esi proyeutu tira p’alantre sedria’l so fin,pero ente escoyer caltener a esos seutores camudando’l pensamientu dominante na organizacion o siguir chupando del bote anque esto seya morrer politicamente,ye evidente lo que van escoyer…
Artículu espublizáu en http://esti-home-allorio.nireblog.com/post/2009/10/31/ix-ensin-asturianismuun-muertu-en-vida
4 respuestes a “IX ensin asturianismu: un muertu en vida”
Dexar un comentariu
Esta páxina ufre la posibilidá d'abrir un alderique inxertando comentarios embaxo la condición de facer un usu respetuosu y nun inxerir mensaxes ofensivos asina como aceutar la moderación y, llegáu'l casu, eliminación de comentarios insultantes (si l'alministración de la web asina lo considerare) pa caltener un alderique granible
Noviembre 3rd, 2009 at 15:42
Igual toi equivocáu, pero tengo entendíu que Valledor quier retomar esi vieyu proyeutu de la manu d’IU,o seya, lo que propon ye una Ezker Batua a la asturiana, o meyor dicho una IpC-Els Verds pero nada más.
Otra cosa, nel casu hipoteticu que colara Valledor, nun creo que colara’l BpA, nin muncho menos Los Verdes d’IU.
Noviembre 3rd, 2009 at 21:13
Lo qu’a min m’esmolez o ye p’atalantar, ye que les propuestes de Valledor (más izquierda asturiana, más asturianismu, más nacionalismu, más “dende y por” Asturies…) vinieren d’él, y non del Bloque por Asturies. Éstos siguen callaos y nun dixeron un res sobre la cuestión…
Noviembre 3rd, 2009 at 22:55
El proyectu de Valledor ye revesosu d’entender. Igual acaba montando dalgo porque cuando acabe esta llexislatura ye posible que lu “purguen” de los puestos d’arriba y lu manden de militante de base.Pero si nun lo faen a lo meyor espera a ver qué pasa nes prósimes autonómiques. Otramiente, pente la xente que ta ocupando anguaño cargos públicos nel BA dalgunos taben hai unos años nel paru dando vueltes a un parque comiendo pipes y alcontraron trabayu gracies a la política. Eso esplica munches más coses y ye un argumentu más comprensible que tolos rebilicoques ideolócico-políticos que queramos facer sobre l’estrañu y dificilmente calificable papel que vien desendolcando durante dos llexislatures esta formación política.
Noviembre 9th, 2009 at 12:36
La mio opinión ye que cuando s’axuntó’l BA con IU creáronse munchos enfotos. Paecía qu’IU diba dar un xiru al nacionalismu astur y que, en breve, diba sortir daqué propiamente asturiano. Nun foi asina. Lo que pasó ye qu’IU, viéndose en declive, sirvióse de los votos del BA p’arramplar con más votantes y caltener diputaos. Dio un poco d’asturianismu y puntu.
Al final foi una deglución d’IU sobre BA. Cuando lo que, creo yo, se camentaba yera lo contrario, que’l BA fuera pasu ente pasu camudando a IU nun partíu nacionaliegu.
Agora, pasando’l tiempu vese qu’IU sigue p’abaxo, anque tien acólitos que siempre lu votarán, pero pal nacionalismu astur yá nun tien xeitu dalu.
Hai qu’atopar una fórmula nuesa, ensin tar chiscaos d’IU nin de comunistes nafragaos.